Thursday, November 14, 2013
गजल
पानीझै माटोमा तिमी, भिज्न थाल्यौ ;
चुम्बकझै ह्रदय मेरो, खिच्न थाल्यौ ।
(१)
आँखैमा तिमीलाई राखें, बिझाईनौ तर:
मुटुभित्र चस्स-चस्स बिझ्न थाल्यौ ।
(२)
लाग्दैन्थ्यो नकारात्मक पक्ष केही ;
नियमहरु सुस्त-सुस्त मिच्न थाल्यौ।
(३)
हरण गर्यौ मेरो मुटु, मैबाट नै ;
निर्लज्ज भै उल्टै तिमी, हाँस्न थाल्यौ ;
(४)
त्यति सस्तो मुटु मेरो, कहाँ हो र ?
बेमोलमै ह्रदय यो, लुट्न थाल्यौ ।
(५)
थाहा छैन किन यस्तो ब्यथा लाग्यो;
मुटुभित्र कता-कता दुख्न थाल्यौ ।
रचना: यज्ञ प्रसाद गिरी
आनन्दबस्ती, ललितपुर
कार्तिक २३ गते, २०७०
Tuesday, November 12, 2013
गजल
सांसदको कोटमा, यिन्को अर्जुन दृष्टी;
जनताको भोटमा, यिन्को अर्जुन दृष्टी;
(१)
विकाश र सेवा त भजन हुन यिन्का ;
वास्तवमा नोटमा, यिन्को अर्जुन दृष्टी ।
(२)
अस्मिता राष्ट्को, बेच्ने छन कौडीमा;
दिल्ली र भोटमा, यिन्को अर्जुन दृष्टी।
(३)
शान्ती र स्थिरताका बिरोधी यिनी;
मात्र बिष्फोटमा, यिन्को अर्जुन दृष्टी।
(४)
ज्यान फालेर यिनी छन् कमाउ धन्दामा;
सदैव छलकपटमा, यिन्को अर्जुन दृष्टी।
रचना: यज्ञ प्रसाद गिरी
आनन्दबस्ती, ललितपुर
कार्तिक २६ गते, २०७०
Monday, November 11, 2013
गजल
थाहै हुदैन, को खुस छ को बेखुस छ, ढाकामा;
जता जाउ सबैतिर, उकुस-मुकुस छ, ढाकामा ।
(१)
मानिसको ओईरो हुन्छ, सडकपेटी र गल्लीहरुमा;
लाग्छ सदाबहार, आमसभा र जुलुस छ ढाकामा ।
(२)
संकेतपाटी पढ्दा कलेजको, रमाईलो लाग्ने छ हजुर ;
अमेरिका, फ्रान्स, बेलायत र जर्जबुस छ ढाकामा ।
(३)
गास, बास, कपास सबै महङ्गा छन् त के भो ;
मान्छे सस्तो छ र शासक निरंकुस छ, ढाकामा ।
(४)
कति नियमहरु चल्तिमा छन, थाहा भएन हजुर ;
ट्राफिक नियम त सधै मनखुस् छ , ढाकामा ।
(५)
महानगर यो उच्च अट्टालिकाहरुको भएता पनि ;
जनता लामखट्टे र सानो जमात् उडुस छ ढाकामा ।
रचना: यज्ञ प्रसाद गिरी
ढाका, बंगलादेश
अक्टुबर ७, २०१३
गजल
सुनौन न त के-के रे’छ खबर हजुर्को;
बदलियो कि उस्तै रे’छ शहर हजुर्को।
(१)
सबैलाई उछिनेर पहिलै हुनु पर्ने ;
उस्तै छ कि बदलियो रहर हजुर्को ।
(२)
नटेरेर मान्छेलाई मुल्यहिन ठान्दै ;
शब्द बनी ओकलिने कहर हजुर्को ।
(३)
सकियो कि सकिएन धेरै बर्ष भयो;
सोचभित्रै मिसिएको जहर हजुर्को ।
(४)
बर्षातको खहरेझै घमण्डले पुर्ण;
बग्दै छ कि जवानीको नहर हजुर्को।
(५)
मनैदेखि चाहनेको मुल्य कति हुन्छ ?
आज कस्तो भा’को रै,छ ठहर हजुर्को ।
रचना: यज्ञ प्रसाद गिरी
आनन्दबस्ती, ललितपुर
कार्तिक २३ गते, २०७०
गजल
के हुने हो थाहा छैन, तिम्रै हुन मन लाग्छ;
एकान्तमा तिमीलाई, सम्झि रुन मन लाग्छ ।
(१)
छाती भरी कति-कति, घाउहरु बेदनाका ;
आफनै आँसु बगाएर, घाउ धुन मन लाग्छ ।
(२)
अत्याचारी समाजको, व्यविचारी पारा देख्दा;
शुरुदेखी अन्त्यसम्म, सल्काउन मन लाग्छ ।
(३)
पैसालाई सर्वोपरी, देख्ने आँखा हुनु भन्दा ;
हत्केलाले दुबै आँखा, छोपी दिन मन लाग्छ ।
(४)
जिवित् मान्छेहरु जब, ढुग्ङा बनी दिने गर्छन्;
मान्छे भन्दा मन्दिरको, ढुग्ङा छुन मन लाग्छ ।
(५)
नोटमाथि भोट हाल्दै , माया खोटो बनाउँदा ;
ज्वाला बनी समाजमा, दन्की दिन मन लाग्छ ।
रचना: यज्ञ प्रसाद गिरी
आनन्दबस्ती, ललितपुर
कार्तिक २३ गते, २०७०
गजल
दुनियामा तिमी जस्तो, अर्को साथी बन्या छैन;
हाम्रो माया नाप्ने कुनै, माना –पाथी बन्या छैन ।
(१)
समानता सोचाईमा, चाहनामा समानता ;
हाम्रो सोच हाम्रो लक्ष, तल-माथी बन्या छैन ।
(२)
माया हाम्रो पवित्र छ , बिहानीको सुर्य जस्तो ;
जिन्दगीको सहयात्रा, कहिले राती बन्या छैन ।
(३)
सोच्नेहरु जे-जे सोचुन,भन्नेहरु भनी रहुन ;
रुढीबाद मान्नेलाई, कहिले जाती गन्या छैन ।
(४)
जस्तै परोस चाहदैन, चित्त तिम्रो दुखाउन;
अरुबाट सुने जस्तो, नानाभाँती भन्या छैन।
रचना: यज्ञ प्रसाद गिरी
आनन्दबस्ती, ललितपुर
कार्तिक २३ गते, २०७०
Subscribe to:
Posts (Atom)