गजल -१

किन उठ्थ्यो र फोन ? थुतेर सीम कार्ड नै मिल्काए पछी,

मुटुको माटोमा मायाको चिस्यान बिस्तारै हराएपछी ।

(१)

लेखा-जोखा नै के भो र ? उधारा बाचा –बन्धनहरुको,

भविष्य कुहिरोको काग भो मायाले बाटो बिराएपछी ।

(२)

सम्बन्ध दशकौ पुरानो होस या हिजोकै आलो र नयां,

फरक के नै भयो र ! सम्बन्धको आधार हराएपछी ।

(३)

मनभरी सम्झेर चलचित्रझै बिगतमा भोगेका दिनहरु,

सुकेको पातझै भयो मन्,  सम्झनाको हुरिले उडाएपछी ।

(४)

सम्झनु नै जिउनुको क्रम बन्छ, प्रेममा हारेका प्रेमीहरुको,

मुटु कस्सिएर गांठो पर्छ, मुटु फुकाएर रुन नपाएपछी ।

(५)

सुख र दूखको क्रम हो जिन्दगी ,छैन मेरो गुनासो तर,

महत्वहिन बन्यो जिवन, सुख - दुखको अन्तर हराएपछी ।

रचना : यज्ञ प्रसाद गिरि

        आनन्दबस्ती, ललितपुर