गजल-३७

एक्लै हुँदा जिन्दगीमा, बाँचाईको मजा कहाँ ;

तिमी बिना माया प्रिति, साँचाईको मजा कहाँ ।

(१)

मन मिल्ने कुरा मिल्ने साथी आफ्नो छैन भने ;

जिन्दगीको लामो यात्रा, हिडाईको मजा कहाँ।

(२)

दुख पर्दा आफन्तको, साथ पाईदैन भने ;

मेरो गाँउ, मेरो ठाँउ, भनाईको मजा कहाँ ।

(३)

कदमहरु उत्साहले, चालिएका छैनन् भने;

निराशाले भरिएको, भोगाईको मजा कहाँ।

(४)

संगसंगै बितेका छन ,हरेक क्षण् जिन्दगीका;

तिमी बिना खुसियाली, हँसाईको मजा कहाँ ।

(५)

नाज गान, मेला पात, चाड पर्व मनाउँदा;

तिमी बिना रोटे पिग्ङ, खेलाईको मजा कहाँ।

  रचना : यज्ञ प्रसाद गिरि

         आनन्दबस्ती, ललितपुर

गजल-३८

तिम्रो मुल्य मेरोलागी अमुल्य छ म जान्दछु;

तिम्रो गुन्को कदर गर्न्, स’क्या मैले कहाँ छु र?

(३)

संसारमा एउटै तिमी सुन्दरी त म भन्दिन ;

तिम्रो मन्को सुन्दरता बुझ्न स’क्या कहाँ छू र?

(४)

संगै रुने संगै हास्ने, बाँनी मेरो परी सक्यो ;

उहिलेको आफ्नो बानी, फेर्न सक्या कहाँ छु र ?

(५)

टाढा नजिक जे भए नी, मन हुन्छ तिमीसंग;

छुट्टीएर तिमिसंग , बाँच्न स’क्या कहाँ छु र ?

  रचना : यज्ञ प्रसाद गिरि

         आनन्दबस्ती, ललितपुर