गजल ७९

प्रकृतिमा पनि आँधी हुरी र बतास छ अचेल ;

कुन्नि किन यो मन उदास-उदास छ अचेल ।

(१)

झै-झगडा तनाव छ विश्वका कुना कुनामा ;

मेल-मिलापको सबै तिर विनाश छ अचेल ।

(२)

उठ्दै छन हतियारहरु धर्म र जातियताका ;

राजनिति बन्दै गा’को , अभिशाप छ अचेल ।

(३)

ब्याप्त तनाव छ गाँउ-बस्ती र गल्लीहरुमा;

नाशिदै छ धर्म र बढ्दो, पाप छ अचेल ।

(४)

पाखण्डीहरु हाबी भए राजनितिको खेलमा ;

यिनकै होडबाजी छ, र हान-थाप छ अचेल ।

(५)

ईमान्दार र सोझाहरु, लगाईएका छन किनारा ;

भ्रष्ट्र , अपराधी र लुटेराकै फलिफाप छ अचेल ।

रचना: यज्ञ प्रसाद गिरी

आनन्दबस्ती, ललितपुर