गजल १५६
हाम्रा दु:ख कष्टहरु, यिन्कालागि नारा बनें ;
समाजका दुष्टहरु, यिन्कालागि प्यारा बनें ।
(१)
संघर्षमा हुँदासम्म, एउटै थियो लक्ष्य हाम्रो;
आज हाम्रा लक्ष्यहरु, आकाशका तारा बनें ।
(२)
भनि ठान्यौ हाम्रा नेता,साहसी र स्वाभिमानी;
शत्रु सामु घुँडा टेक्ने , यिनै हुतिहारा बनें ।
(३)
तिम्रा थोत्रा नारा अब, राखे हुन्छ आफैसंग ;
तिम्रा कार्यकर्ताहरु , धेरै भाईमारा बनें ।
(४)
तिम्रो नाम समाजमा, गालीतुल्य बनेको छ;
आज द्रब्य बटुल्नलाई, हिजो सर्वहारा बनें ।
(५)
तिम्लाई माया गर्न छोडे, यो देशका जनताले;
जति सक्दो छिटो अब, ईश्वरका प्यारा बनें।
रचना : यज्ञ प्रसाद गिरि
आनन्दबस्ती, ललितपुर
असार २, २०७० साल
No comments:
Post a Comment