गजल १५२

मेरो ब्यथा दुनियामा, कहानी भो आज ;

हेर्दा-हेर्दै ताजमहल, खरानी भो आज।

(१)

चाहन्थे म जिन्दगी होस्, नदी बगे सरी;

हरेक कदम्  जिन्दगीको, हैरानी भो आज ।

(२)

सुखी जीवन भोगाईको, साक्षी तिमी थियौ;

आँसुसंग प्रित गाँस्ने , सिरानी भो आज ।

(३)

हिजोसम्म फूलैफूल्को, दुनिया यो मेरो ;

हुस्सुभित्र हराएको,  बिहानी भो आज ।

(४)

अस्ताएझै सूर्य किन ,मेरो जिन्दगीमा;

उल्लाश त खडेरीको, भयो पानी आज ।

(५)

भुल-चुक जिन्दगीमा, हुने गर्छ तर ;

लुटिए म कसैबाट, जानी-जानी आज ।

रचना : यज्ञ प्रसाद गिरि

        आनन्दबस्ती, ललितपुर

         चैत्र १८,  २०६९ साल