गजल १५४

तिम्रो चिप्लो बोली सुनी, चिप्लिने म कस्तो ;

प्रेमाग्नीमा किरा जस्तै , होमिने म कस्तो ?

(१)

खेलौनाझै सस्तो ठानी , मुटु माग्यौ मेरो ;

आँखा चिम्ली ब्यर्थै मुटु , सुम्पिने म कस्तो ?

(२)

साँच्चै ठानी तिम्रा सबै,  बनावटी कुराहरु ;

जानी-जानी तिमिबाट लुटिने म कस्तो ?

(३)

चोखो माया मुल्यहिन  , रै’छ तिम्रो लागि ;

बालुवामा पानी सरी , पोखिने म कस्तो ?

(४)

ब्यापारको बस्तु ठान्यौ, चाहनालाई मेरो;

नचिनेर तिमीलाई, झुक्किने म कस्तो ?

(५)

म बुझ्दिन तिम्रोलागी , मुल्यवान के हो ;

आफै सरी सबैलाई, ठाँन्दिने म कस्तो ?

रचना : यज्ञ प्रसाद गिरि

        आनन्दबस्ती, ललितपुर

         जेठ २४,  २०७० साल