गजल-११

लिएर खुकुरी नाग्ङो, चुम्दै माटो यो देशको ;

छप्काउ नदेउ छुन , स्वाभिमान यो  देशको ।

(१)

उड्दैछन् चिल -कौवाझै, दलाल यी विदेशीका ;

लुछी-लुछी खान उद्धत , स्वतन्त्रता यो देशको ।

(२)

बितण्डा मचाई राख्छन , नेतृत्व खोलमा पसी ;

लुट्लान है चोर डांकाले ,सार्वभौम यो देशको ।

(३)

जपि हिड्ने राम नाम, बगलीमा छुरा लियी;

होसियार ! जवान हो , गर्लान घात यो देशको ।

(४)

मौलाउदै छ रातोदिन, खेती पाप - कुकर्मको ;

देश सिग्ङै डुबाएर, झार्लान साख यो देशको ।

(५)

भयो ढिलो हामी सारा, गोलबद्ध बनौ अब ;

पारौ निर्मुल बैरीको ,रक्षा गर्न यो देशको ।

यज्ञ प्रसाद गिरी

आनन्दबस्ती, ललितपुर