गजल -१६
नशा छैन भने साथी,पिउनुको के नै मजा ;
माया छैन भने साथी, जिउनुको के नै मजा ।
(१)
समय यो निष्ठुरी छ, पर्खदैन कसैलाई;
भेट्ने आशा छैन भने पर्खनुको के नै मजा ।
(२)
कति आए कति गए, दुनियामा मान्छेहरु ;
रोई-रोई मर्ने भए ,जन्मनुको के नै मजा ।
(३)
सगै मर्छु संगै बाच्छु भनि कसम खानेहरु;
बाटो काटी हिड्ने भए,चिनिनुको के नै मजा।
(४)
कुल्चेर मान्छेको धर्म, हिन्दु,बौद्ध र मुस्लिम;
नामधारी मठाधिस, भनिनुको के नै मजा ।
(५)
मरेर जानु पर्ने छ, लोकमा जन्मने जति;
मात्र बाँची आफ्नैलागी, मर्दिनुको के नै मजा ।
रचना : यज्ञ प्रसाद
गिरि
आनन्दबस्ती, ललितपुर
No comments:
Post a Comment