गजल ७५
महान छ तिम्रो,
मायाको भाव आमा ;
खानी दयाको, तिम्रो
स्वभाव आमा ।
(१)
चिन्ता सन्तानकै,
मृत्युको मुखमा पनि ;
सागरझै तिम्रो,
मायाको फैलाव आमा ।
(२)
माया नै झार्छ्यौ ,
सन्तानकै सम्झनामा;
रोकेन समयले, मायाको बहाव आमा ।
(३)
वात्सल्य अथाह,
अमुल्य निधी तिम्रो ;
माँगिनौ त्यागको,
कुनै हिसाब आमा ।
(४)
बाँच्न पाउनु, तिम्रो छत्र - छाँयामा ;
सौभाग्य हाम्रो,
दैवको सद् भाव आमा ।
(५)
स्वर्ग भन्छन , जान्दिन
कस्तो होला ;
स्थान तिम्रो ,
ऊच्चादिउच्च आमा ।
रचना: यज्ञ प्रसाद
गिरी
आनन्दबस्ती, ललितपुर
No comments:
Post a Comment