गजल ३३

सस्तो भो मेरो दाम, तिम्रो यो शहरमा ;

चर्चा भो मेरो आम, तिम्रो यो शहरमा ।

(१)

गरे ब्यग्ङ म माथी , जो कोही ले पनि ;

भएँ सारै बदनाम, तिम्रो यो शहरमा ।

(२)

न घात गरें कसैको, न क्यै बिराएँ मेलै ;

बनें कथा तथानाम, तिम्रो यो शहरमा ।

(३)

पवित्र सोचले कोशिस, गरें सकेको मैले;

कहाँ बन्यो र काम, तिम्रो यो शहरमा।

(४)

जहाँ गए नि भेटे, रावणहरु सबैतिर;

छदै छैनन कि राम, तिम्रो यो शहरमा।

(५)

मिल्न खोजे सकेसम्म, आखिरी समयसम्म;

भन्नै पर्यो राम,राम, तिम्रो यो शहरमा ।

रचना : यज्ञ प्रसाद गिरि

         आनन्दबस्ती, ललितपुर