गजल-६

झक्काश तिम्रो चेहरा र जवानी रहेछ डेन्जर,

बिन्दास भै बोल्ने तिम्रो, बानी रहेछ डेन्जर ।

(१)

असर कता-कता पर्ने खनकदार हँसाईको,

तिमिले पिउने कुवाको पानी रहेछ डेन्जर ।

(२)

ना-ना थरी कुरा खेल्ने, टाउको भित्र तिम्रो,

त्यै टाउको सहारा बन्ने सिरानी रहेछ डेन्जर।

(३)

सुन्छु धेरै पुतलीहरु, मरे बत्तिको प्रेममा,

मुटु कुल्ची हिड्ने तिम्रो बानी रहेछ डेन्जर।

(४)

न लक्षण बिमारीको ,न अनुभुति स्वस्थताको;

तिम्रो असरमा पर्नेहरुको कहानी रहेछ डेन्जर।

(५)

आहात धेरै बनी फसे,  तिलष्मी जालमा तिम्रो ;

नजरमा तिम्रो पर्नेहरुको, हैरानी रहेछ डेन्जर ।

(६)

तिम्रो प्रेममा जलेर, निष्प्राण धुलो हुदाँ पनि ;

संक्रामक रोगझै सर्ने ,   खरानी रहेछ डेन्जर ।

रचना : यज्ञ प्रसाद गिरि

        आनन्दबस्ती, ललितपुर