गजल १५१
हेर्दा-हेर्दै मुल बाटो पो, जाम भएछ ;
बेकम्मा झै हाम्रो प्रेम, लिलाम भएछ ।
(१)
कोरा कल्पना बनें, भावुक योजनाहरु ;
पवित्र माया आज , बदनाम भएछ ।
(२)
दिनदिनै बदलिंदै छ, मुहार मानिसको ;
आजभोली सर्वोपरी , त्यै दाम भएछ ।
(३)
मायाको चोखो सम्बन्धमा, पनि हजुर ;
भाउ खोजाई र मोलाईको, काम भएछ ।
(४)
पवित्र मनको नाता हाम्रो, युगौ युगको ;
बिना कारण कसरी आज , बेनाम भएछ ।
(५)
आँखिरमा ओढायौ कात्रो, जिउँदो मायामा;
बनें म मुटुको रोगी, तिम्लाई आराम भएछ।
रचना : यज्ञ प्रसाद गिरि
आनन्दबस्ती, ललितपुर
चैत्र १८, २०६९ साल
No comments:
Post a Comment