गजल ४
मेरो जन्मभूमीको, आज बेहाल छ यस्तो,
अगुवाई गर्नेहरुको, कुटिल् चाल छ यस्तो ।
(१)
छुरा लुकाएर हिड्छन, भाषणका ब्यवसायीहरु,
देशभक्त ईमान्दारहरुको अनिकाल छ यस्तो ।
(२)
बढी रहेको छ चलखेल, गुण्डा र
डांकाहरुको,
चौतर्फी देशद्रोहीहरुको मालामाल छ यस्तो ।
(३)
बेच्छन् अस्मिता राष्ट्रको, र पाए
सिमानै पनि,
अगुवा भनाँउदाहरुको, अचेल हाल छ यस्तो
।
(४)
नायक, खलनायक को,को पुलिस को अपराधी,
जनता सधै बिचल्लीमा, र गोलमाल छ यस्तो ।
(५)
मत दियी पठाएका, नेता हाम्रा बेपत्ता
छन ;
सबैतिर अभावै-अभाव, र कोलाहाल छ यस्तो ।
रचना : यज्ञ प्रसाद गिरि
आनन्दबस्ती, ललितपुर
No comments:
Post a Comment