गजल-१२
सारै निरिह बन्दोछ, आज यो देशको गती ;
हर्ता-कर्ता बनेका छन, छट्टु स्यालहरु जति ।
(१)
भत्कियो देश यो भन्दै, स्याल हुईयां फिजाउँछन
;
मौलाए देशमा
शत्रु, यै बिचमा कति-कति
(२)
फलाक्दै नौ थरी नारा, भाई-भाई जुझाउँछन ;
कुम्ल्याए राष्ट्रको कोष, यि दुष्टले भने जति ।
(३)
गठबन्धन भित्र-भित्रै, गर्दछन लुट्न देश यो;
गणनै गर्न गाह्रो भो, यिन्ले पुर्याएको क्षती ।
(४)
फोडौ खप्पर चिनी-चिनी, गनेर देशद्रोहीका ;
बचाँउं राष्ट्रको मान, बचाउं देशको क्षति ।
यज्ञ प्रसाद गिरी
आनन्दबस्ती, ललितपुर
No comments:
Post a Comment