गजल १०४

कति भन्छन खोज्दै छौ सहमति, दिक्क लाग्छ ;

कहिले आउने यिनको सद् मति, दिक्क लाग्छ।

(१)

कोही ओर्ले महलबाट  कोही पसे, जंगलबाट शहर ;

कसरी  बिग्रन पुगेछ  सबैको मति,दिक्क लाग्छ ।

(२)

सबै चोर, फटाहा, डाँकाहरु नेता बनी, हिडेका छन ;

सकृय  छन गर्न  यो राष्ट्रको दुर्गति, दिक्क लाग्छ ।

(३)

नारा राष्ट्रियताको ,  ईशारा छिमेकीको शिरोपर ;

कानै चिरेका जोगीहरु आए जति,  दिक्क लाग्छ ।

(४)

कुर्सी बाहेक केही देख्दैनन् , काँना आँखाहरुले।

छि-छि कस्तो घृणित यिन्को गति, दिक्क लाग्छ ।

(५)

लाग्छ बाँदरका खाँटी  शन्तान हुन,  यी जंगलीहरु ;

भत्काउनै उद्धत छन नेताहरु जति, दिक्क लाग्छ ।

रचना: यज्ञ प्रसाद गिरी

आनन्दबस्ती, ललितपुर