गजल तिमीलाई सम्झी आँसु, खसाल्या'छू मैले ; ससम्मान ह्रदयमा , बसाल्याँ'छु मैले । (१) जैले पनि जहाँ पनि, तिम्रै नाम जप्छु; पुजा गर्ने यस्तै जुक्ति, निकाल्याँ'छु मैले। (२) बाधाहरु हजार छन्, हाम्रो बाटो छेक्ने ; बिद्रोहको रातो झण्डा, उचाल्याँ'छु मैले। (३) जे'नि गर्छु, परे मर्छु, तिम्रोलागी म त ; माया गर्ने यस्तै रित, बसाल्याँ'छु मैले । (४) पवित्रता कायम राखी, प्रेम-पुजा गर्छु ; मनका राग-द्वेषहरु, पखाल्याँ'छु मैले । यज्ञ प्रसाद गिरी आनन्दबस्ती, ललितपुर २०७१ साल, भाद्र २३ गते