गजल
समयको चक्र न हो , सब् कुरा बदलिदो रै'छ ;
माया पनि पुरानो भै, बिस्तारै खुईलिदो रै'छ।
(१)
जाँची हेर्दा एउटै कुरा, फरक- फरक स्थितिमा ;
हिजो सही भा'को पनि, गल्तिझै माँनिदो रै'छ ।
(२)
मुटु आफ्नै आँखा चिम्ली, कसैलाई सुम्पी दिदा ;
पटक-पटक सानो-सानो, उपेक्षाले छुँदो रै'छ ।
(३)
हिजोसम्म मुल्यवान, ठानिएका बस्तु पनि ;
मुल्यहिन बनाईदा , ढुग्ङाझै मिल्किदो रै'छ ।
(४)
समयको बेगलाई , कस्ले छेक्न सक्या छ र ?
हुने त हुने नै भैगो, नहुने'नि हुँदो रै'छ ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २ गते
No comments:
Post a Comment