गजल
देखेर मुटु धडकियो, था'छैन अनि के भयो ?
माया बनेर गाडियौ , था'छैन अनि के भयो ?
(१)
सपना तथा बिपनामा, तनमनमा र सोचाईमा ;
मादक महक भै फैलियौ , था'छैन अनि के भयो ?
(२)
हरेक क्षण तिमी मात्रै , छायी रह्यौ मसतिष्कमा;
एक छत्र शासन गर्यौ, था'छैन अनि के भयो ?
(३)
हर तवरले म त तिम्रो, आफ्नै बनी सक्या'रैछु ;
तिमी रहस्य नै रह्यौ , था'छैन अनि के भयो ?
(४)
पराजितभै तिम्रो पछी, म लागें मन्त्रमुग्ध भै ;
बजूद मेरो बिलिन भो, था'छैन अनि के भयो ?
रचना: यज्ञ प्रसाद गिरी
आनन्दबस्ती, ललितपुर
मंसिर २२ गते, २०७१ साल
No comments:
Post a Comment