गजल
मझै घायल हुनेछौ, मायामा डुबेपछी ;
प्रेमी रोयल हुनेछौ, मायामा डुबेपछी ।
(१)
झुम्नेछौ नशामा, चौबिसै घण्टा प्रेमको;
मझै कायल हुनेछौ, मायामा डुबेपछी ।
(२)
अर्थहिन लाग्ने छ, बसाई राजधानीको ;
स्वत: दिपायल् हुनछौ, मायामा डुबेपछी ।
(३)
छिनो-फानो हुनेछैन, मुद्दा प्रेमको तिम्रो ;
बन्द फायल हुनेछौ , मायामा डुबेपछी ।
(४)
तस्बिर उस्को छापिनेछ, मुटु ढाकेर तिम्रो ;
रंगिन टायल हुनेछौ , मायामा डुबेपछी ।
रचना:
यज्ञ प्रसाद गिरी
आनन्दबस्ती, ललितपुर
चैत्र २, २०७० साल
No comments:
Post a Comment