गजल
जे'नि हुन्छ अपराधी, निडर भएपछी ;
मानिएका गुण्डाहरु , लिडर भएपछी ।
(१)
गुणस्तर कस्तो होला, पढाईको हजुर !
प्रमाण पत्र चोरी गर्ने, टिचर भएपछी ।
(२)
नक्कली छन नागरिकता, राहदानी पनि ;
राष्ट्रद्रोह सुस्त-सुस्त, गम्भिर भएपछी ।
(३)
अराजकता सबैतिर, डढेलोझै भा'छ ;
शासकहरु बेथितिका, शिर भएपछी ।
(४)
मेल-जोल समझदारी, के खाएर हुन्थ्यो ;
एउटा शेर अर्को , सवाशेर भएपछी ।
रचना: यज्ञ प्रसाद गिरी
आनन्दबस्ती, ललितपुर
मंसिर २२ गते, २०७१ साल
No comments:
Post a Comment