गजल
जस्तो आफु हुर्किएको, गाँउ प्यारो लाग्छ ;
आफ्नै हुदाँ त्यस्तै तिम्रो, नाँउ प्यारो लाग्छ ।
(१)
पुरानो छ बर्षौ-बर्ष, हाम्रो चिनाजानी ;
हामी बिच मित्रताको, साँउ प्यारो लाग्छ ।
(२)
हरेक पल हरेक क्षण, हरेक परिस्थिति ;
तिमिसंग बिताएको ठाँउ प्यारो लाग्छ ।
(३)
तिमी मात्रै ब्याप्त लाग्ने, मनभित्र मेरो;
तिम्रोलागी बल्झिएको, घाउ प्यारो लाग्छ ।
(४)
खोतलेर मन मेरो, बुझी जिस्किएर ;
जानी-जानी बढाएको, भाउ प्यारो लाग्छ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
No comments:
Post a Comment