गजल
पानीबाट बाहिरतिर, पारिएको माछा भएँ ;
फगत स्वादकै लागी, तारिएको माछा भएँ ।
(१)
नुन मसला पनि , मलियो मेरो शरिरमा ;
अरुकै सेवामा अघि, सारिएको माछा भएँ ।
(२)
निचोरिएको पनि छु, अर्कैको खुसीको लागी;
तातो पानीमा झोल, झारिएको माछा भएँ।
(३)
सपनाहरु तातो तवामा, दिनहुँ डाँमिदै छन्;
माछाबाट रोष्टमा , झारिएको माछा भएँ ।
(४)
गुन्द्रुक भटमाससंग पनि, साँधिएर हजुर;
रक्सीसंग जोडी बाँधी, नारिएको माछा भएँ ।
रचना : यज्ञ प्रसाद गिरी
आनन्दबस्ती, ललितपुर
माघ २३, २०७० साल
No comments:
Post a Comment