गजल
कुनै बेला तिमीबाटै सलामीमा पनि परें;
आज फेरी तिमीबाटै लिलामीमा पनि परें।
(१)
गल्ति मेरै नजिक भएँ, चरम स्वार्थीहरुसंग ;
धोका खाएँ समयको सुनामीमा पनि परें ।
(२)
बाँचिएछ तरबारको धारमाथी हिडे सरी;
स्वाभिमान जोगाउँन हैरानीमा पनि परें।
(३)
कसैको त स्वभाव’नि छेपारोको रंग जस्तो ;
कुनै बेला निलम्बन र बहालीमा पनि परें।
(४)
चंगा जस्तै चुडिएर समयको बहावले ;
आफ्नै मुल्य मान्यताको मलामी पनि परें।
रचना : यज्ञ प्रसाद गिरि
आनन्दबस्ती, ललितपुर
माघ ११, २०७० साल
No comments:
Post a Comment