गजल
हिमाच्छादित, स्निग्ध र, स्वच्छतम् माहौल छ ;
लययुक्त, चित्ताकर्षक, समुन्नत भुगोल छ ।
(१)
हेर्दा लाग्ने नशायुक्त, सुन्दरतम् चक्षुहरु ;
मायावी र चुम्बकिय, शक्ति अनमोल छ ।
(२)
कान्तिमय मुहार र कटी लचकदार छ;
मदिराको नशाभित्र, सुगन्धको घोल छ ।
(३)
चम्किला मोतीझै लाग्ने,मुस्काउँदा दन्तावली;
मधुयुक्त मिठासले , भरिपु्र्ण बोल छ ।
(४)
जहाँ-जहाँ कदम तिम्रा, फुलजस्तै बढेका छन्;
त्यहाँ-त्यहाँ चाहनेको भीड, गन्जागोल छ ।
रचना: यज्ञ प्रसाद गिरी
आनन्दबस्ती, ललितपुर
मंसिर २१ गते, २०७१ साल
No comments:
Post a Comment