गजल
आज किन सस्तो भयो, तिम्रो मन पर्या मान्छे;
मुल्यहिन बनाईयो, तिम्ले माया गर्या मान्छे ।
(१)
बिरक्त छ, दिशाहिन, बेनामी छ , भिडभित्र ;
पहिचान जोगाउन, सदै अघि सर्या मान्छे।
(२)
सधै साथ दिन्छु भन्थ्यौ, जिन्दगीको यात्रा भरी;
किन आज भागी हिड्यौ,उहिले बाचा गर्या मान्छे।
(३)
वास्तविकता छुरी बनी, ह्रदयमा गढी दिन्छ ;
भन्छन फर्कि आउदैन, दुनियामा मर्या मान्छे।
(४)
सबै चिज बिलाउँछन, समयको बहावमा ;
तर बाँची राख्ने रै'छ मनभित्र गड्या मान्छे ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र २४ गते
No comments:
Post a Comment