Wednesday, December 10, 2014
गजल
त्यै नजरले कुनै बेला, गर्यो स्वागत मलाई;
कुनै बेला सडकछाप, ठान्यो फगत मलाई ।
(१)
नाता ह्रदयको भए , हाल यस्तो किन हुन्थ्यो ;
ननिल्नु र ओकल्नु भो, तिम्रो चाहत मलाई ।
(२)
साख्खिएर कुनै बेला, मिठा, चिप्ला कुरा गर्यौ ;
मौका छोपी जानी-जानी, गर्यौ आहत मलाई ।
(३)
चोटै-चोट सहेको छु, तिम्रो सहयात्री बनी ;
यो निहुँ वा त्यो निहुँमा, छैन राहत मलाई ।
(४)
भेटिएन दयावान , दैव कुनै देवस्थलमा ;
शुन्य, खल्लो लाग्ने गर्छ, तिम्रो जगत मलाई ।
(५)
चन्द्र एउटै, सुर्य एउटै, प्रकृतिको रित एउटै ।
किन देख्छु दुनियाको, उल्टो नियत मलाई ।
रचना: यज्ञ प्रसाद गिरी
आनन्दबस्ती, ललितपुर
मंसिर २४ गते, २०७१ साल
Subscribe to:
Post Comments (Atom)
No comments:
Post a Comment