गजल
उता गाँउमा, यता मनमा, पहिरो गयो;
आउदै आएन, सधै गयो, र गहिरो गयो ।
(१)
के के न होला , सोचेथें, तिम्रो शासनमा;
क्रम यथावत भो, कानो आयो बहिरो गयो ।
(२)
किन यसरी बिग्रदै गा'का, नेता भनाउँदाहरु ;
सधै भष्ट्राचारकै बाटोमा, यिन्को ओईरो गयो ।
(३)
राहतको लागी हेलिकेप्टर नाँचेको देखे सबैले;
सोझै पिडितको मुटुमा, उपेक्षाको सुइरो गयो ।
(४)
के भएको छ यो देशमा, सबै पत्थर दिलका भए ;
उपेक्षाले क्षत-बिक्षत भो ,मानवता टुहुरो भयो।
यज्ञ प्रसाद गिरी
आनन्दबस्ती, ललितपुर
२०७१ साल साउन २७ गते
No comments:
Post a Comment