गजल
बैठक, छलफल र निर्णय पनि हुन्छ ;
सधै राखिने यस्को,बिषय पनि हुन्छ ‘
(१)
के हुन्छ निर्णयको,असर बेपत्ता सधै;
बिषयको तर उदय र विलय पनि हुन्छ ।
(२)
कस्का र केका लागि बस्छन बैठक खै?
तथापि यस्को शुर र लय पनि हुन्छ ।
(३)
न बन्यो संविधान, न काम कुनै समयमा ;
बैठकको उपलब्धी भने, सयमा सय हुन्छ ।
(४)
हरेक समस्यालाई ठोकौ, बैठककै बन्दुकले;
अनि प्रतिष्ठाको एउटै बिषय, हिमालय हुन्छ।
रचना : यज्ञ प्रसाद गिरी
आनन्दबस्ती, ललितपुर
फागुन २९, २०७० साल
No comments:
Post a Comment