गजल
सपना सजाउछु छरिन्छन, म के गरुँ ;
छलीहरु सदर दरिन्छन , म के गरुँ ।
(१)
राम्रो हुदैन रे, मर्दको आँखामा आँसु ;
गह आँसुले भरिन्छन , म के गरुँ ;
(२)
के गर्नु मानवता र अस्मिताका कुरा ;
काम बिपरितनै गरिन्छन, म के गरुँ ।
(३)
उपदेश दिएर घात गरेका छन, सबैले ;
तिनै नजिक ठहरिन्छन, म के गरुँ ।
(४)
अनौठो चलेको छ, दुनियामा चलन;
सोझैलाई आँखा तरिन्छन, म के गरुँ ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
No comments:
Post a Comment