गजल
काममा जानु छ हजुर! हतारमा छु ;
म मेरो देशमा हैन, म कतारमा छु ।
(१)
मनमा लागेथ्यो, बिमान चढेकै क्षण;
हिड्न विवश म, खुकुरिको धारमा छु।
(२)
म सुन्दर पहाडमा खेली हुर्केको मान्छे;
रेगिस्तानी गर्मीको, हाहाकारमा छु ।
(३)
मन थिएन, आफ्नो गाँऊ छोडी हिड्ने;
बेरोजगारी र गरिबीको मारमा छु ।
(४)
छटपटाउछु सधै, गाँउ-घर सम्झेर;
सधै अधैर्य छु , सधै दोधारमा छु ।
यज्ञ प्रसाद गिरी
आनन्दबस्ती, ललितपुर
२०७१ साल, मँसिर १ गते
No comments:
Post a Comment