गजल सुन्दर तिम्रा नयनहरु, आँसुको तालमा थिए ; सारै हर्षित तिनै आँखा, गएको सालमा थिए । (१) कहाँ चोट पर्‌यो कुन्नि , कुन् कुनामा ह्रदयको; सोध्न पनि सकिएन, के कस्तो हालमा थिए । (२) पोखिएका छछल्केर, बेदनाका कथाहरु ; अधेर्यझै जेलिएका , बाध्यता जालमा थिए । (३) बेदनाका कथाहरु, चक्षुपटमा लेखिएझै ; सारै मलिनझै लाग्ने, अनौठौ तालमा थिए। (४) सामना गर्नु नै पर्ने, जस्तोसुकै परिस्थिति ; किंकर्तब्य बिमुढझै, दोधारे चालमा थिए। रचना: यज्ञ प्रसाद गिरी आनन्दबस्ती, ललितपुर मंसिर २५ गते, २०७१ साल