गजल
मलाई तिम्रो सामिप्यता सबै भन्दा माथी भा’छ;
अतितको याद पनि जिन्दगीको साथी भा’छ ।
(१)
तिम्रो भन्दा बढी माया गर्छु भनि म भन्दिन ;
मेरो माया मानो भए, तिम्रो माया पाथी भा’छ ।
(२)
तिम्रो प्रेम तिम्रो निष्ठा पुजातुल्य बनेको छ ;
समयको कसौटीमा सधै माथि-माथि गा’छ।
(३)
जिन्दगानी संधर्ष हो, स्विकारेर बाच्नु पर्छ ;
कैले खुला दिन जस्तो कैले कालो रात भा’छ ।
(४)
यस्तो लाग्छ तिम्रो सृष्टी मेरै लागी गरिएको;
तिमी हुनु मेरोलागी, जाति भन्दा जाती भा’छ ।
रचना : यज्ञ प्रसाद गिरि
आनन्दबस्ती, ललितपुर
माघ १८, २०७० साल
No comments:
Post a Comment