गजल बाहिरी छन जिउनुका, बेग्लै कित्ताहरु ; तर भित्र जिन्दगीका वास्तविकताहरु; (१) हुने गर्छन साहसीको, छातीभित्र पनि ; बेदना र भावनाका, बिविधताहरु । (२) बाँच्नु पनि किन-किन, अन्योलझै भा'छ; पढ्दा पनि जति सुकै, बेद -गिताहरु। (३) यो राष्ट्रको भविश्य भो, किन अलपत्र ; जस्कालागी जलाईयो, कैयन चिताहरु । (४) रावणहरु बनाईए, सधै हर्ता-कर्ता ; सडकतिर मिल्केकाछन राम सिताहरु । यज्ञ प्रसाद गिरी आनन्दबस्ती, ललितपुर २०७१ साल, कार्तिक १६ गते