< गजल दोष कस्को ? समयको, वा शहरको थियो; सामिप्य तिम्रो, वा आफ्नै नजरको थियो। (१) कडा थियो छाती, तथापि कम्पन छुट्यो ; असर तिम्रो नजरभित्रको, जहरको थियो । (२) बेकाबु आफैमा छु , तर काबुमा तिम्रो भएँ ; दोष तिम्रो, अरुको वा मेरै रहरको थियो। (३) पानी-पानीझै तरल, र हावाझै फिरग्ङी बनें; खोट दुनियाको, वा आफ्नै ठहरको थियो। (४) सारै नजिक रहेर पनि, प्यासी रह्यौ ; नाता नदी तथा, सुख्खा बगरको थियो । यज्ञ प्रसाद गिरी आनन्दबस्ती, ललितपुर २०७१ साल, कार्तिक १८ गते