गजल
हेर्नु पर्दा टोपी खस्ने , महल बनाएछौ ;
स्वेच्छाले कैदी बन्न, पर्खाल ठड्याएछौ ।
(१)
जवानीमै कान तिम्रा, बाक्लिए कि कसो ?
पर्खालमै कर्कस यन्त्र , खल्बल लगाएछौ ।
(२)
कुकुरदेखि सावधान ! लेख्या पनि रै'छौ ;
सत्य बोल्न आफैलाई , सबल बनाएछौ ।
(३)
गुड्ने बाकस राख्या रै'छौ, बोल्ने डब्बा पनि;
रातो-रात छिमेकमा, हलचल मच्चाएछौ ।
(४)
सुन्छु आवत्-जावत् हुन्छ, अप्सराको पनि ;
घर हैन अत्याकर्षक, पसल सजाएछौ ।
रचना: यज्ञ प्रसाद गिरी
आनन्दबस्ती, ललितपुर
मंसिर १८ गते, २०७१ साल
No comments:
Post a Comment