गजल छिनमै बदलिने दुनियाको, रित छ आलभोली ; यात्रा जारी, यात्रु भने , थकित छ आलभोली । (१) दुई नम्मरीकै जग्जगी छ , शहर र बस्तीहरुमा ; एक नम्मरको सेरोफेरोनै, बर्जित छ आजभोली । (२) पाखा पारिएका छन, सोझो काम गर्नेहरु बिचरा ! सत्यमाथी असत्यको सधै , जित छ आजभोली । (३) कर्णप्रिय स्वर लहरीहरु, हराउन थालेका छन ; बम जस्तो समकालिन, संगीत छ आलभोली । (४) यहाँसम्मस पुग्नु पर्‌यो, नियतिले जिन्दगीमा । लिलाममा राखिएको , मेरो प्रित छ आजभोली । यज्ञ प्रसाद गिरी आनन्दबस्ती, ललितपुर २०७१ साल, आश्विन १० गते