गजल तिम्रो याद सुसाएको, चैते हुरी सरी भयो; तिम्रो माया आँखाबाट,आँसु बनी झरी रह्यो । (१) हिड्दा-हिड्दै बाटोबाटै, तिम्लाई गुमाएको दिन; भुस्को आगो बले सरी, भित्र-भित्रै बलि रह्यो। (२) भाग्य पनि किन यस्तो भा'को होला मेरो मात्र; मिलनको सम्भावना, सधै-सधै टरि रह्यो । (३) मलिन बनी बिदाईको , तिम्ले हाल हल्लाउँदा ; मुटु घोच्यो चस्स-चस्स मनमा गाँठो परि रह्यो । (४) कुन्नि कता तिमी गयौ मलाई छोडी टाढा-टाढा; तिम्रो याद किलो बनी, ह्रदयमा गढी रह्यो। यज्ञ प्रसाद गिरी आनन्दबस्ती, ललितपुर २०७१ साल, आश्विन १० गते