गजल
हिजो-आज सम्झी बस्नु, मेरो बानी भएको छ ;
तिम्रो याद माछालाई , अमृत्पानी भएको छ ।
(१)
जिन्दगी यो लक्ष बिना, यात्रा गरे सरी भयो ;
तिम्रो माया यी आखाँका, दुई नानी भएको छ ।
(२)
हुरी जस्तै बनी पस्यौ, जिन्दगीमा तिमी मेरो ;
निस्किएर फुत्त भाग्नु, बेईमानी भएको छ ;
(३)
गर्व गर्दै हिड्ने गर्थैं , तिम्रो साथ पाए भन्दै ;
तर आज स्वाभिमान , पानी-पानी भएको छ ।
(४)
बहाना त धेरै होलान , आफ्नो गल्ति लुकाउने;
जे-जे यहाँ भएको छ, जानी-जानी भएको छ ।
यज्ञ प्रसाद गिरी
आनन्दबस्ती, ललितपुर
२०७१ साल, भाद्र १८ गते
No comments:
Post a Comment