गजल थाहा छैन, साथी को बन्छ, जिन्दगीमा; कहिले कस्ले, मन छुन्छ ,जिन्दगीमा । (१) चाहेझै सुखद कहाँ हुन्छ र ? सफर ; निमेषमै बन्छ, बिग्रन्छ , जिन्दगीमा । (२) हिसाब-किताब, मायामा'नि लागु भए; घाटै-घाटाको बज्र, बज्रन्छ जिन्दगीमा । (३) नेताको नाराको, पारामा लाग्यौ भने ; थाहा छैन के-कस्तो, हुन्छ जिन्दगीमा । (४) त्रसित हुनु किन , भविष्यको त्रासले सधै ; चाल्दै जाऊ कदम, स्वच्छन्द जिन्दगीमा । यज्ञ प्रसाद गिरी आनन्दबस्ती, ललितपुर २०७१ साल, कार्तिक १८ गते