गजल
मिठा त लाग्छन शाहजहाँ र मुमताजका कुरा ;
जिवन खोज्छ तर श्रम र कामकाजका कुरा ।
(१)
कसैगरे'नि चित्त बुझाउन, नसक्ने भएको छु ;
कसरि अपनाउनु र खै ति रिति-रिवाजका कुरा ।
(२)
नेताको भाषण पछी सोच्न बाध्य भएको छु ;
उही चलन-चल्तिका शिकार र वाजका कुरा ।
(३)
घात-प्रतिघातको खडेरीले सुकि सकेको छ मुटु;
बेअर्थ बाहिरी शारिरिक सज्जा र साजका कुरा ।
(४)
कोहि बचेको छैन प्रेमको रोगको प्रकोपबाट ;
सबैलाई उस्तै के डाक्टर के कविराजका कुरा ।
यज्ञ प्रसाद गिरी
आनन्दबस्ती, ललितपुर
२०७१ साल भाद्र, २६ गते
No comments:
Post a Comment