गजल सृष्टि कस्तो हुन्थ्यो पानी, नभएको भए; तिम्रो माया गर्ने बानी, नभएको भए । (१) हाम्रो नाता अजम्बरी, कहाँ हुने थियो; पहिलो भेट्मै पानी-पानी, नभएको भए। (२) दुर्घटनाग्रस्त हुन्थ्यो, सफर जिन्दगीको; तिमिसंग चिनाजानी , नभएको भए । (३) हामीहरु यति नजिक, हुदैन्थ्यो होला; तिमी पनि स्वाभिमानी, नभएको भए । (४) तिमीसंग भेट मेरो , हुदैन्थ्यो शायद ; म साँच्चीकै भाग्यमानी, नभएको भए । (५) तिम्रो बास ह्रदयमा, नहुन’नि सक्थ्यो; मैले खोजे जस्तो ज्ञानी, नभएको भए । यज्ञ प्रसाद गिरी आनन्दबस्ती, ललितपुर असार १६ गते, २०७२ साल