गजल राम्रो सोच लेउ भन्छु, के भन्नु र तिमीलाई ; बस सत्य छेउ भन्छु, के भन्नु र तिमीलाई । (१) पैसा मात्रै लिने हैन, एउटै लक्ष्य जिन्दगीमा ; पैसा मात्र पुजी हिड्छौ, के भन्नु र तिमीलाई । (२) सानो-ठुलो ऊँच-निच, बिभेदमा अल्झि दिन्छौ ; फराकिलो पार्नु सोच, के भन्नु र तिमीलाई । (३) यो तेरो र मेरो धर्म, भन्दै किन लड्नु पर् यो ; के धर्मले जुझाँउछ ? के भन्नु र तिमीलाई । (४) बाँडेका छन हामीलाई, अनेकौ गुट र बादमा ; फोहरी छ राजनिती, के भन्नु र तिमीलाई । (५) नबुझेरै नाची हिड्छौ, पराईका ईशारामा ; अवश्य नै ठगिने छौ, के भन्नु र तिमीलाई । रचना : यज्ञ प्रसाद गिरी