गजल
बड्दै छ मल बिऊको भाउ, खै कता छ गणतन्त्र ?
मेरो गाँउ तेरो नाँउ , खै कता छ गणतन्त्र ?
(१)
यो पार्टी र त्यो पार्टीको, जति कुरा गरे पनि ;
सबै चोर एकै ठाँउ , खै कता छ गणतन्त्र ?
(२)
पिडित भए सिधा-साधा , भुकम्प र पहिरोले ;
नेताको कुम्ल्याउने दाउ, खै कता छ गणतन्त्र ?
(३)
कति सारो मौलाएको, भागबन्डा संस्कृति यो ;
गरीबलाई छैन ठाँउ , खै कता छ गणतन्त्र ?
(४)
फोर्नु पर्छ खप्पर अब, एक-एक छानि-छानी ;
यिन्लाई धुलो चटाँउ, अनि आउछ गणतन्त्र ।
रचना: यज्ञ प्रसाद गिरी
आनन्दबस्ती , महालक्ष्मी नगरपालिका - १५
ललितपुर
साउन ३१ गते , २०७२ साल
No comments:
Post a Comment