गजल
तिम्रै लागी मर्छु बाँच्छु, भन्ने’नि बेपत्ता भए ;
आफ्नो भने पर्खाईमा, दारी-जुग्ङा सेता भए ।
(१)
सयौ पटक ऐना हेर्दै , आफ्नै रुप निहालेर ;
आफुभित्रै दंग पर्दै, मस्किने दिन कता गए ।
(२)
जिन्दगीका हरेक क्षण, उन्मादले परिपुर्ण ;
अत्तो-पत्तो केही छैन , यता गए उता गए ।
(३)
दुष्ट निति, भ्रष्टनिति , यो देशको राजनिति ;
रातारात पखालियी , काला जति सेता भए ।
(४)
राष्ट्रघात गर्नेहरु , हर्ता-कर्ता बनेका छन ;
चोर, गुण्डा, ब्यविचारी, यो देशका नेता भए।
रचना: यज्ञ प्रसाद गिरी
आनन्दबसती , ईमाडोल -९
ललितपुर
साउन ३० गते, २०७२ साल
No comments:
Post a Comment