Saturday, October 26, 2013
गजल १७०
राष्ट्रलाई माया गर्ने मनहरु परदेश छन्;
राष्ट्रघाति निकृष्ट दलालहरु देशमा छन ।
(१)
नकाबधारीको बोलबाला बड्दै छ सबैतिर;
बिखण्डनकारीहरु नै नाईकेको भेषमा छन।
(२)
एकताको प्रतिक बन्छन समाज फुटाउनेहरु;
दलका नेता कसैको जागिर बिशेषमा छन।
(३)
आगो सल्काउनेहरु मेलमिलापका कुरा गर्छन;
जनताहरु सधै बेदना,चिन्ता र क्लेशमा छन ।
(४)
अब्यवस्था तथा अराजकता ब्याप्त छ देशमा;
मन्त्रीहरु भ्रमणको मजा लिदै बिदेशमा छन्।
(५)
कानै पाकी सक्यो सुन्दा –सुन्दा थोत्रा नाराहरु;
मतका ब्यापारी आउने चुनावको जोशमा छन ।
रचना: यज्ञ प्रसाद गिरी
आनन्दबस्ती, ललितपुर
आश्विन १४ गते, २०७० साल
Subscribe to:
Post Comments (Atom)
No comments:
Post a Comment