गजल मधुर वचन तर मन शीला रहेछ ; मन, बचन बिच फासिला रहेछ । (१) भत्काउने बालुवाको महलझै सम्बन्ध; था,छैन कसको यो फैसला रहेछ । (२) फुटायौ प्रेमको मुर्ती आफैले कुँदेको ; मन निर्दयी र बहुमन्जिला रहेछ । (३) सिकिदै छ जिउने क्रममा धैरै हजुर ; सम्बन्ध त चाहनाको काफीला रहेछ । (४) भन्नु केही छैन दुनियाको रितै यस्तै ; जिवन त जिउनुको सिलसिला रहेछ । आनन्द बस्ति , ललितपुर २०७५-१२-१०

गजल

बन्दुक चल्ने गरेका छन आजभोली ;

कति ज्युदै मरेका छन आजभोली ।

(१)

बदलिदै छन जिन्दगीका मानकहरु ;

मान्छे बिषले भरेका छन आजभोली ।

(२)

चौबिसै घण्टा द्रब्यकै पछाडी दौड छ ;

मान्छेहरु झर्नु झरेका छन आजभोली ।

(३)

अनैतिक कमाई डान्सबारमा खन्याइन्छ;

यिनै काममा बानी परेका छन आजभोली ।

(४)

जो चोर छ उसैको ठुलो श्वर छ यहाँ ;

चोरनै ठुला हुने गरेका छन आजभोली ।

यज्ञ प्रसाद गिरी

आनन्दबस्ती, ललितपुर

फागुन २५ गते, २०७४ साल

गजल

दुश्मनका गोडा समाउनेहरु छन ;

देशलाई लुछेर रमाउनेहरु छन ।

(१)

के गर्दैन मान्छे स्वार्थपुर्तिको लागि ?

आफैलाई बेचेर कमाउनेहरु छन ।

(२)

समानताको भाषण फलाक्नेहरुनै ;

विभेदको पर्खाल लगाउनेहरु छन ।

(३)

राज्य सँयन्त्र चलाउने अदृश्य शक्ति ;

नजराना लिने र थमाउनेहरु छन ।

(४)

सानो द्रब्यपिचासको समुह हावी छ;

सबैजसो होमा हो मिलाउनेहरु छन।

यज्ञ प्रसाद गिरी

आनन्दबस्ती, ललितपुर

फागुन २५ गते, २०७४ साल

गजल

पुजा, पेशा, संस्कृति, र देशको माटो ;

जीवन ,कृषि  प्रकृति, यो देशको माटो ।

(१)

सधै श्वाशत छ जन्म देखि मृत्युसम्म ;

संस्कृति, प्रकृति,  खेती, र देशको माटो ।

(२)

सम्झदै बढेका छन कदम सही बाटोमा ;

महाकाली, कर्णाली, सेती र देशको माटो ।

(३)

बैभव जैविक-विविधताको उपयोग गरौ ;

जरी-बुटि,जल-जलाशय र देशको माटो ।

(४)

अनुसन्धान दिगो उपयोगमा केन्दित गरौ;

तराई, हिमाल,पहाड,बेशी र देशको माटो ।

रचना: यज्ञ प्रसाद गिरी

आनन्दबस्ती, ललितपुर

माघ ८, २०७४ साल

गजल

सोचेझै भयो बैज्ञानिक चलखेल धुलिखेलमा ;

तीनपुस्ते किटबिज्ञको भयो  मेल, धुलिखेलमा ।

(१)

ठिक्कै राखिएको रहेछ नाम त्यस  ठाँउको हजुर ;

ब्याप्त थियो धुलोको ठेलमठेल , धुलिखेलमा ।

(२)

बिज्ञानका मुद्दामा घम्साघम्सी स्वाभिकै थियो ;

सुस्ताय एन.टी. सी. र एन. सेल धुलिखेलमा ।

(३)

जिवन्त बन्यो प्राविधिक बहस, प्रा:य दिनैभरी ;

साँझमा रन्कियो राष्टिय झोल, धुलिखेलमा ।

(४)

किसिम धेरै देख्न पाईयो किराझै, नाचका पनि ;

पुतली,कछुवा, हात्ती र बँदेल , धुलिखेलमा ।

(५)

राष्ट्र उत्थान कृषिको माध्ययमले हुन्छ भन्दै;

कुर्लिए गिरि, पनेरु र पोखरेल, धुलिखेलमा ।

यज्ञ प्रसाद गिरी

आनन्दबस्ती, ललितपुर

पुस १४ गते, २०७४ साल 

गजल

निधारमा टिका र गलामा छ हार कसैको ;

चारैतिर जता’नि छ हारै-हार , कसैको ।

(१)

चमत्कार र बिकाशका कुरा छन एकातिर;

गरिबीले बिमार पुरै छ परिवार, कसैको ।

(२)

पालमुनि हिउद  कटाउने चिन्ता छ एकातिर;

भित्रभित्रै तातिएको मतको छ बजार, कसैको ।

(३)

छानिए  जनताका तथाकथित, सेवकहरु कतै;

सेवाको खोलमा मेवाको छ ब्यापार, कसैको  ।

(४)

छ्यापछ्याप्ति भएका छन, छट्टुहरुको बथान ;

आतुर छन लुट्न जिन्दगीको आधार, कसैको ।

रचना: यज्ञ प्रसाद गिरी

अनन्दबस्ती ललितपुर

मंसिर २६ गते, २०७४ साल

गजल

एकातिर बन्दुक, अर्कोतिर बम, बुझ्ने कोशिश गर;

तौल कहिले बेसी, कहिले कम, बुझ्ने कोशिश गर ।

(१)

सुख-दुख, उकालो-ओरालो , दुई पाटा जिन्दगीका ;

यो त  चली रहन्छ हरदम, बुझ्ने कोशिश गर ।

(२)

था’छैन कुन मोडमा,  के हुन्छ जिन्दगीमा ;

कहाँ पर्दैछन हाम्रा कदम, बुझ्ने कोशिश गर ।

(३)

अघी बढी रहन्छ समय , युगौ-युग निरन्तर ;

बन्छ सरल कहिले  निर्मम, बुझ्ने कोशिश गर ।

(४)

उज्यालो प्रेमको , ह्रदयमा बचाई राख्नु प्रिय ;

जिउने यही मार्ग छ उत्तम, बुझ्ने कोशिश गर ।

रचना: यज्ञ प्रसाद गिरी

आनन्दबस्ती, ललितपुर

२०७४ साल, मंसिर २६ गते