गजल
दुश्मनका गोडा समाउनेहरु छन ;
देशलाई लुछेर रमाउनेहरु छन ।
(१)
के गर्दैन मान्छे स्वार्थपुर्तिको लागि ?
आफैलाई बेचेर कमाउनेहरु छन ।
(२)
समानताको भाषण फलाक्नेहरुनै ;
विभेदको पर्खाल लगाउनेहरु छन ।
(३)
राज्य सँयन्त्र चलाउने अदृश्य शक्ति ;
नजराना लिने र थमाउनेहरु छन ।
(४)
सानो द्रब्यपिचासको समुह हावी छ;
सबैजसो होमा हो मिलाउनेहरु छन।
यज्ञ प्रसाद गिरी
आनन्दबस्ती, ललितपुर
फागुन २५ गते, २०७४ साल
No comments:
Post a Comment