गजल

निधारमा टिका र गलामा छ हार कसैको ;

चारैतिर जता’नि छ हारै-हार , कसैको ।

(१)

चमत्कार र बिकाशका कुरा छन एकातिर;

गरिबीले बिमार पुरै छ परिवार, कसैको ।

(२)

पालमुनि हिउद  कटाउने चिन्ता छ एकातिर;

भित्रभित्रै तातिएको मतको छ बजार, कसैको ।

(३)

छानिए  जनताका तथाकथित, सेवकहरु कतै;

सेवाको खोलमा मेवाको छ ब्यापार, कसैको  ।

(४)

छ्यापछ्याप्ति भएका छन, छट्टुहरुको बथान ;

आतुर छन लुट्न जिन्दगीको आधार, कसैको ।

रचना: यज्ञ प्रसाद गिरी

अनन्दबस्ती ललितपुर

मंसिर २६ गते, २०७४ साल