गजल भाउ कहिले कम, कहिले बेसी, जिन्दगीको बजारमा ; छाउँदै छ मन्दीको मदहोशी , जिन्दगीको बजारमा । (१) मुल्याँकन’नि फरक हुने , समय र स्थिति हेरी ; बढाउनेलेनै भाउ खोसी, जिन्दगीको बजारमा । (२) राखिदो रहेछ हिसाब, हिजो, आज र भोलीको हजुर ; कसलाई भनुँ र म दोषी, जिन्दगीको बजारमा । (३) सृजेर कुटी पवित्र प्रेमको, बस्थ्यौ मनभित्र मेरो ; डढायौ त्यै कुटी झोसी , जिन्दगीको बजारमा । (४) था’छैन के हुन्छ अन्त्य, दशकौ लामो सम्बन्धको; सर्वोच्च हिमाल वा कोशी, जिन्दगीको बजारमा । यज्ञ प्रसाद गिरी आनन्दबस्ती, ललितपुर मग्सिर, २०७४ साल